श्रीवासुदेवानंदसरस्वती स्वामी महाराजकृत प्रश्नावली – श्री प. प. वासुदेवानंद सरस्वती टेंब्ये स्वामी महाराज

प्रश्नावलीसंबंधी खुलासा

श्री महाराजांनी तयार केलेली प्रश्नावली लोकोपकारार्थ एका प्रसिद्धीनिरपेक्ष सज्जन गृहस्थांनी दिली. ती येथे प्रसिद्ध केली आहे. ही पहाण्याची मूळ पद्धती पुढीलप्रमाणे आहे : आपण श्री क्षेत्र माणगांव मधील श्री. प. प. टेंब्ये स्वामींनी स्थापन केलेल्या श्री दत्तमंदिरात श्री दत्तमहाराजांच्या समोर उभे आहोत असे मनात आणावे. त्यानंतर आपला कुलस्वामी, कुलस्वामिनी, आराध्यदेवता, स्थानदेवता, ग्रामदेवता, वास्तुदेवता, पूर्वज व सदगुरुंची प्रार्थना करुन आपला प्रश्न श्री दत्त महाराजांना सांगून वरील सर्व देवतांचे पुन्हा एकदा स्मरण करुन या प्रश्नावलीतील कोणत्याही एका अक्षरावर बोट ठेवावे. नंतर ज्या अक्षरावर बोट ठेविले असेल त्याच्या पुढील अक्षरापासून अक्षरे मोजण्यास आरंभ करावा. असे मोजताना प्रत्येक अठरावे अक्षर एका कागदावर लिहून ठेवावे. याप्रमाणे प्रथम ज्या अक्षरावर बोट ठेविले असेल त्या अक्षरापर्यंत अठरा अठरा अक्षरे मोजावीत व प्रत्येक अठरावे अक्षर क्रमाने एका कागदावर मांडून ठेवावे. या अठराव्या अक्षरांचा मिळून एक मराठी श्लोक तयार होतो व त्यात दत्तमहात्म्य वाचावे, कृष्णालहरी वाचावी, पंचपदी करावी, करुणात्रिपदी म्हणावी. इत्यादी रुपाने कामना पूर्ण होण्याकरिता काही साधन सांगितले जाते. श्रद्धापूर्वक त्याप्रमाणे वाचून सर्वांनी आपली इष्टसिद्धी सदगुरुकृपेने करुन घ्यावी.
साइटवर सादर केलेल्या ह्या प्रश्नावलीमधील एका अक्षरावर क्लिक केले असता, आपोआप त्या अक्षरापासून तयार होणारा श्लोक व स्पष्टीकरण दिसेल.

श्रीवासुदेवा हृदयी चिंतुनी कामना करी। ती सत्य सफल होते ठेवी विश्वास अंतरी।।

वाचितां सप्तकें दोन ‘समश्लोकी गुरुकथा’। अलभ्य तेंहि ये हाती चिंता कां करिशी वृथा।।

सुखें हो कार्यसिद्धी काळजी देई टाकुनी। ‘दत्तमाहात्म्य’ नेमानी वाची विश्वासुनी मनीं।।

देईल तो इष्टसिद्धी वासुदेव यतीश्वर। ‘द्विसाहस्री’ गुरुकथा सप्ताहें दूर हो दर।।

वारोनि संकटें दत्त हेतु पुरा करी। ‘श्रीमद्दत्तपुराणा’ तें वाचावें वरचेवरी।।

नंदना अनसूयेच्या स्मर चिंतार्त कां असा?। प्राप्त आहे इष्ट वाची ‘श्रीदत्तभावसुधारसा’।।

दत्तकाव्य पाठ करी जरी ते भीती अंतरीं। ‘श्रीकृष्णालहरी’ प्रेमें वाचितां इष्ट ये करीं।।

‘सप्तशती गुरुचरित्रा’चीं आवर्तनें दहा। करितां शुद्ध चित्तानें इष्ट साधे सुखें रहा।।

रचिला वासुदेवानें ग्रंथ तो कोणता तरी। वाचीत जा मनोभावें कार्य होईल लौकरी।।

स्वस्थ चित्तें ‘दत्तचंपू’ सप्रेमें जरी वाचिशी। कोणतें कार्य बा नोहे चिंता कां करिशी अशी?।।

ती जे ‘शिक्षात्रयी’ सार्थ जी वाचील सुमानसें। प्राप्तकाम त्वरें होई येथे संदेहचि नसे।।

स्वानंदें गा पंचपदी किंवा पद्यें परोपरी। होईल कामनापूर्ति संरक्षील तुली हरी।।

मीनालागीं जल तशी इष्टापेक्षा जरी तुला। ‘श्रीदत्तलीलामृताब्धिसार’ ग्रंथ तो हा भला।।

जरी त्रिकाली म्हणसी ‘करुणात्रिपदी’ तरी। मनोरथ तुझा पूर्ण षण्मासें निश्चया धरी।।

यत्नें पूजा ‘सत्यदत्त’ नेमानें तीन पूर्णिमा। होईल कामनापूर्ति साधितां साधुसंगमा।।

तिसरा अथवा सोळा पूजी दत्तावतार ते। त्या त्या जयंतीला भावें इष्ट सिद्धचि होय तें।।

तव चिंतित दुःसाध्य परी अष्टादशाक्षरी। मंत्र हा जपतां लक्ष दिगंबर कृपा करी।।

‘मां पाहि भगवन्दत्त’ प्रार्थना करितां अशी। इष्ट दे भय ने रक्षी दत्त माता सुता जशी।।

श्रीवासुदेवा हृदयी चिंतुनी कामना करी।
ती सत्य सफल होते ठेवी विश्वास अंतरी।।

वाचितां सप्तकें दोन ‘समश्लोकी गुरुकथा’।
अलभ्य तेंहि ये हाती चिंता कां करिशी वृथा।।

सुखें हो कार्यसिद्धी काळजी देई टाकुनी।
‘दत्तमाहात्म्य’ नेमानी वाची विश्वासुनी मनीं।।

देईल तो इष्टसिद्धी वासुदेव यतीश्वर।
‘द्विसाहस्री’ गुरुकथा सप्ताहें दूर हो दर।।

वारोनि संकटें दत्त हेतु पुरा करी।
‘श्रीमद्दत्तपुराणा’ तें वाचावें वरचेवरी।।

नंदना अनसूयेच्या स्मर चिंतार्त कां असा?।
प्राप्त आहे इष्ट वाची ‘श्रीदत्तभावसुधारसा’।।

दत्तकाव्य पाठ करी जरी ते भीती अंतरीं।
‘श्रीकृष्णालहरी’ प्रेमें वाचितां इष्ट ये करीं।।

‘सप्तशती गुरुचरित्रा’चीं आवर्तनें दहा।
करितां शुद्ध चित्तानें इष्ट साधे सुखें रहा।।

रचिला वासुदेवानें ग्रंथ तो कोणता तरी।
वाचीत जा मनोभावें कार्य होईल लौकरी।।

स्वस्थ चित्तें ‘दत्तचंपू’ सप्रेमें जरी वाचिशी।
कोणतें कार्य बा नोहे चिंता कां करिशी अशी?।।

ती जे ‘शिक्षात्रयी’ सार्थ जी वाचील सुमानसें।
प्राप्तकाम त्वरें होई येथे संदेहचि नसे।।

स्वानंदें गा पंचपदी किंवा पद्यें परोपरी।
होईल कामनापूर्ति संरक्षील तुली हरी।।

मीनालागीं जल तशी इष्टापेक्षा जरी तुला।
‘श्रीदत्तलीलामृताब्धिसार’ ग्रंथ तो हा भला।।

जरी त्रिकाली म्हणसी ‘करुणात्रिपदी’ तरी।
मनोरथ तुझा पूर्ण षण्मासें निश्चया धरी।।

यत्नें पूजा ‘सत्यदत्त’ नेमानें तीन पूर्णिमा।
होईल कामनापूर्ति साधितां साधुसंगमा।।

तिसरा अथवा सोळा पूजी दत्तावतार ते।
त्या त्या जयंतीला भावें इष्ट सिद्धचि होय तें।।

तव चिंतित दुःसाध्य परी अष्टादशाक्षरी।
मंत्र हा जपतां लक्ष दिगंबर कृपा करी।।

‘मां पाहि भगवन्दत्त’ प्रार्थना करितां अशी।
इष्ट दे भय ने रक्षी दत्त माता सुता जशी।।